自愛的楝篤唱

"在＿＿＿＿的時候，我們更應該自愛。"

因為呢個主題，答應好友Z一起去看《林二汶楝篤唱》。原以為會好似音樂會/演唱會咁，佢會唱哂自己嘅歌；唔係fans嘅我，識佢嘅歌唔多，都驚中間可能會悶，但都抱住欣賞的心態去。結果，佢係一邊講野，一邊唱歌去講佢想講的故事，咁就為之「楝篤唱」，而因為選嘅歌好能夠襯返個場景，所以聽得好有共鳴！

說實在，二汶的聲音的確好聽，唱歌時的聲音更有soothing的感覺；加上彈得出色的鋼琴手同鬼馬的大提琴手，呢個show，極盡視聽之娛喔！

至於主題，到底應該在什麼的時候，我們應該自愛呢？試下做個民調，相信好多人都會話自己好識自愛，睇真d，真係？！？！

為了工作，廢寢忘餐...
有了愛情，茶飯不思...
為了瘦身，瘋狂運動...
為了讀書，埋頭苦幹...
可能你會話，呢d係你生活嘅態度，為左達到目標，不自覺地虐待了自己的身體，精神，甚至是靈魂！

在不快樂的時候，我們會失去胃口，總覺得不吃不喝能為自己的失落帶來多一份的淒美感；事實上，我們只是自私地虐待自己的身體。

正正就是不快樂的感覺已經在精神上折磨著我們，我們更應該要好好地吃喝，讓身體得到飽足，才有力氣去面對生活！我想，這就是自愛吧！

其實呢個主題，對我一點都唔陌生，曾經有一段好長的時間，我都走在“學習自愛”的道路上；今天當然未走到盡頭，因為我覺得呢個係一生的功課！只有不斷地愛自己，好好地跟自己相處，才能享受跟這個世界互動的樂趣！