《西遊記·大鬧天宮》- 有驚喜的賀歲片

難得好友G於新年期間放假兼約到，派利是比佢之餘，都要同佢睇返場戲。

響無咩要求下，揀左呢套《西遊記‧大鬧天宮》。除左再捧發哥的場(因為初二已經睇左《賭城風雲》)，睇落D卡士都幾勁，主角仲有郭富城同甄子丹。

雖然個故事就熟到爛，但出奇地比個3D效果吸引住，d對白亦幾搞笑！我形容呢套為巨星+特技+大製作+天空之城feel的西遊記，2個鐘頭都無咩悶場！

不過睇完就係以下無聊疑問：

1. 點解呢個玉帝咁靚仔有型，仲要自己出戰埋咁勇﹖最重要係，咁多對白既﹖

(通常玉帝都係阿伯一名，得幾個鏡頭+兩句對白之嘛！)

因為佢係周潤發嘛!!!

 

2. 點解呢個牛魔王又係咁靚仔有型﹖最重要係，點解佢唔駛撐大個鼻哥loan扮牛牛﹖

因為佢係郭富城囉!!!  

比我最大的驚喜係呢2位靚女：

出場唔夠3分鐘的女媧，佢出場好似跳住舞咁補天，好靚好靚呀!!!! 

呢個小狐仙，個樣好標緻，好可愛！