執到平野~

女人最鍾意執到平野，尤其係開支甚多嘅媽媽們；一早已決定要買high chair，但全新嘅最優惠都要2000幾蚊，加上而家網上嘅二手巿場又大又多選擇，諗起“一闊三大”嘅我最終都向二手巿場埋手！

經過幾日幾夜嘅努力，終於比我以半價買到張95%新淨嘅high chair返黎；雖然要去到“山卡拉”咁遠嘅堅尼地城交收，但賣家好細心咁為我地預備左大膠袋同尼龍繩紮住張櫈，等我地拎得無咁“呢hea”，仲用優惠價賣多張全新嘅high chair cushion比我，咁換左落張櫈就幾乎係全新啦！哈哈，第一次買二手野就係happy trade，我又要繼續happy second-hand hunting先！

 同場加映，同事報料響德福的Piago(UNY集團)見到我心儀的NUK消毒奶煲有優惠，$688仲送兩大兩小嘅NUK PP印花奶樽，開心死我啦！去到同事又介紹，買左幾套佢試過質料唔錯嘅家居衫同埋uniqlo季尾嘅減價保暖衫仔，好抵丫！

所以哩，女人唔係剩係shopping，最緊要仲係shop得精明！！！